Iwas-pusoy ang Malacañang sa 1 million peso reward para sa ika-aaresto nina National Anti-Poverty Commission Chairperson Liza Maza at tatlong iba pang dating kongresistang kinasuhan ng murder.
Nilinaw ni Presidential Spokesman Harry Roque na nagmula ang alok mula sa pribadong grupong Citizens’ Crime Watch at hindi sa Palasyo o gobyerno.
Ayon kay Roque, mananatiling miyembro si Maza ng gabinete hangga’t walang kautusan si Pangulong Rodrigo Duterte na palitan siya sa puwesto.
Sa katunayan anya ay hinimok ng Palasyo sina Maza at dating Agrarian Reform Secretary at Anakpawis Party-list Rep. Rafael Mariano; dating Bayan Muna Party-list Representatives Satur Ocampo at Teddy Casiño na sumuko.
Akusado ang apat sa pagpatay sa tatlong Akbayan party-list supporters sa Nueva Ecija noong 2001 at 2004.
—-
