Pabor ang Palasyo sa desisyon ng Department of Justice (DOJ) hinggil sa mga ahensya ng pamahalaang uunahin sa iimbestigahan laban sa korupsyon.
Ayon kay Presidential Spokesperson, Secretary Harry Roque, buo ang suporta ng Palasyo sa DOJ, lalo’t malawakan ang isyu ng korapsyon sa mga ahensyang inanunsyo ng DOJ tulad ng DPWH, BIR, BOC, at PhilHealth.
Pagdiin pa ni Roque, ang mga nabanggit na ahensya ay kilala rin sa pagiging notoryus nito pagdating sa iregularidad sa tanggapan.
