Tagumpay ang Pakistan sa panibagong test launch ng kanilang nuclear capable surface-to-surface missile.
May kakayahan ang ababeel missile na mag-deliver ng multiple nuclear warhead at maiwasan ang radar detection.
Maaari rin itong makarating sa mga target sa layong dalawanlibo dalawandaang (2,200) kilometro o sa ibang bansa partikular sa karatig bansang India.
Magugunita noong Enero 10 ay nagtagumpay din ang Pakistan na magpakawala ng kauna-unahan nitong submarine-launched cruise missile na may kakayahan din na magdala ng nuclear warhead.
Samantala, inaasahang magdudulot ang panibagong missile test ng mas matinding tensyon sa pagitan ng Pakistan at India na kapwa mayroong lumalaking nuclear arsenal.
By Drew Nacino
