Hintayin na lamang ang pagbubukas ng paghahain ng certificates of candidacy sa Oktubre para sa mga nais tumakbo sa pambansang posisyon sa 2022 elections.
Ito ang inihayag ni Sen. Christopher “Bong” Go matapos nitong igiit na wala siyang balak tumakbo bilang pangulo ng bansa taliwas sa naging pahayag ni Pangulong Rodrigo Duterte.
Ayon kay Go, hindi dapat seryosohin ang mga naging pahayag ng pangulo lalo’t batid naman ng publiko na mahilig itong magbiro.
Magugunitang tinawag na “president” ni Pangulong Duterte si Go sa isa sa kaniyang talumpati nuong isang linggo makaraang manguna ito sa Pulse Asia survey ng mga posibleng presidentiables.