Iminungkahi ng Metropolitan Manila Development Authority na tanggalin na ang Edsa Busway para mapaluwag ang trapiko sa Edsa.
Sa press briefing sa Malacañang, inihayag ni MMDA Chairman Romando Artes na pinapalaki na ang carrying capacity ng MRT-3 para ma-accomodate ang mga pasahero ng Edsa Carousel.
Mas convenient aniya ang pagsakay dito, dahil hindi lahat ng MRT station ay mayroon ding istasyon ang Edsa Carousel.
Sa oras na alisin ang Edsa Busway, wala nang padadaaning pampasaherong bus sa Edsa.
Sa halip, ipagagamit na lamang ang Edsa bus lane bilang special lane para sa mga sasakyang may sakay na tatlo o higit pa.
Nilinaw naman ni Chairman Artes na ito ay nananatiling rekomendasyon pa lamang. – Sa panualt ni Laica Cuevas mula sa ulat ni Gilbert Perdez (Patrol 13)
