Posibleng dumami pa ang mga maitatalang paglabag sa karapatang pantao sa Mindanao ngayong lumawig pa ang umiiral na batas militar sa rehiyon.
Ayon kay CPP Founding Chairman Jose Maria Sison, isa aniya itong malinaw na hakbang ng administrasyon na palawigin pa sa buong bansa ang umiiral na batas militar.
Giit pa ni Sison, wala aniyang karapatan si Pangulong Rodrigo Duterte na sabihin na para sa taumbayan ang kaniyang naging hakbang gayung ang totoo aniya’y nais lamang nitong lumakas pa ang kapangyarihang kaniyang hinahawakan.
Indikasyon lamang din ayon kay Sison na nais ng Pangulo na mapatahimik ang mga grupong tumututol sa kaniyang mga polisiya tulad ng mga nasa hanay ng oposisyon sa pamamagitan ng paghahasik ng takot at karahasan.