Inalis na rin ng Lapu-Lapu City LGU ang mandatory na paggamit ng face shield sa mga pampublikong lugar.
Una rito, ipinag-utos rin ni acting Cebu City mayor Michael Rama ang pag-alis sa sapilitang paggamit ng face shield.
Ayon kay Lapu-Lapu mayor Ahong Chan, hindi maayos na nagagamit ang mga face shield sa mga establisimyento.
Gayunman, obligado pa rin ang paggamit nito sa mga ospital, medical clinics, diagnostic laboratories at iba pang medical facilities.
Maliban sa naturang mga lugar, inalis na rin ang mandatory na paggamit ng face shield sa Maynila, Iloilo City, Ormoc, Catbalogan City at Davao City.—mula sa panulat ni Hya Ludivico
