Kumalat sa social media ang pagsusunog ng ilang mga Colombians sa Effigy ni Miss Universe Pia Wurtzbach habang nagdiriwang sila ng bagong taon.
Agad binatikos ng mga Pinoy ang tila hindi pa ring maka-move on na reaksyon ng ilang kababayan ni Miss Colombia Ariadna Gutierrez Arevalo.
Nagmula umano ang video sa facebook ng isang colombian na si Noider Almanza Barraza.
Isa umano si barraza sa mga galit na galit na fans dahil sa pagkakabawi ng korona kay Miss Colombia makaraang i-anunsyo ng host na si Steve Harvey na si Miss Philippines ang tunay na nagwagi.
Samantala, tinanggal na ni Barraza ang video sa kanyang facebook matapos na umani ng batikos mula sa netizens.
Humingi rin ng paumanhin ang nasabing colombian sa mga Pinoy.
By: Avee Devierte
