Ibinabala ni dating UN Rapporteur Richard Falk ang pagsiklab ng digmaan sa Taiwan strait at West Philippine Sea.
Hindi anya malayong mauwi sa komprontasyon sa pagitan ng China at Taiwan, maging ng kaalyado nitong bansa tulad ng US isinasagawang military drills sa mga nabanggit na karagatan.
Ayon kay Falk, na isa ring eksperto sa international law, umusbong na rin ang mga paksyon ng bansa partikular ang tambalan ng Russia at China laban sa mga demokritikong bansa sa pangunguna ng US at UK.
Dahil dito, tinitimbang ng maraming bansa kung saan papanig at sino ang tama o mas makapangyarihan.
Ipinunto ni Falk na mahalaga ang papel ng United Nations, lalo ng security council nito, upang mapanatili ang tinatawag na balance of power at maiwasan ang panibagong digmaan.—sa panulat ni Drew Nacino