Posibleng residente rin lang din sa lugar ang nasa likod nang pagpapasabog sa isang mosque sa Brgy. Talon Talon sa Zamboanga City.
Ayon ito kay Police Regional Office 9 Director Chief Supt. Emmanuel Luis Licup, na nagsabi ring ilang sandali bago ang pagsabog ay pinatay ang mga ilaw sa poste sa paligid ng lugar.
Sinabi ni Licup na posibleng personal ang motibo sa pagpapasabog dahil 10 taon na ang nakakalipas ay nagkaruon din ng insidente ng pamamaril sa lugar dahil sa sigalot sa pagitan ng Muslim residents.
Inamin ni Licup na nalusutan ang mga otoridad sa naturang insidente kaya’t higit pa silang naghigpit matapos na rin ang pagsabog sa Jolo, Sulu.
Subalit ipinabatid ni Licup na pagpapaliwanagin niya ang mga opisyal ng Philippine National Police (PNP) sa naturang lugar.
