Ipinaubaya na ng Palasyo sa publiko ang paghuhusga sa mga naging hakbang ng nakalipas na Administrasyon para masugpo ang droga.
Sinabi ito ni Presidential Communications Sec. Martin Andanar, matapos isapubliko ng Pangulong Rodrigo Duterte ang mga pangalan ng mga aktibo at retiradong Heneral na sangkot sa operasyon ng droga.
Ayon kay Presidential Communications Secretary Martin Andanar, hindi nila ugali ang manisi kaya’t ipinauubaya na nila sa publiko ang paghuhusga sa kung ano ang nagawa ng nagdaang Administrasyon sa kampaniya kontra droga
Magugunitang inihayag mismo ng Pangulong Duterte na mismong sa loob ng National Penitentiary ginagawa ang mga iligal na droga at kinukunsinte pa umano ng mga jail guards at mga opisyal ng Bureau of Correction
By: Katrina Valle / Jaymark Dagala
