Posibleng matulad ang pilipinas sa america na may mga insidente ng mass shooting gamit ang matataas na kalibre ng baril.
Ito ang pangamba ng Grupong Gunless Society of the Philippines, kasunod ng pagpayag ng Philippine National Police sa mga sibilyan na magmay-ari ng semi-automatic rifles.
Ayon kay Norman Cabrera, Pangulo ng nabanggit na grupo, nakakalungkot, dahil sa dami ng magagandang bagay na maaaring gayahin ng pilipinas sa america, ang gun culture pa ang pinili ng bansa.
Dagdag pa ng Gunless Society of the Philippines, malinaw na interes lang ng iilan ang nabanggit na polisiya at hindi ng karamihan.
Kaugnay nito, hiniling din ng nabanggit na grupo sa PNP na kanselahin ang permit to carry of firearms, limitahan hanggang sa dalawang baril ang pagmamay-ari ng mga sibilyan, patawan ng mas mabigat na parusa ang mga lalabag sa illegal possession of firearms, at higpitan na hindi gawing fully automatic ang mga naturang armas. – sa panunulat ni Charles Laureta