Nabuhayan ng pag-asa ang Moro Islamic Liberation Front o MILF na maipapasa na ang Bangsamoro Basic Law o BBL sa ilalim ng papasok na administrasyong Duterte.
Ayon sa MILF, umaasa silang makahahanap ng paraan ang bagong administrasyon upang matamo na ang matagal nang inaasam na kapayapaan sa Mindanao.
Umaasa rin ang MILF na mga tamang tao ang pipiliin para bumuo sa panibagong lupon na may integridad, malinis na track record at may malinaw na programa para sa pagsusulong ng kapayapaan.
Una nang inihayag ni incoming president Rodrigo Duterte ang pagbabalik kay dating Peace Panel Chief Jesus Dureza bilang Presidential Adviser on the Peace Process o OPAPP.
By Jaymark Dagala
