Ikinatuwa ni Department of Education (DepEd) Secretary Leonor Briones ang pagpapatupad ng administrasyong Duterte ng Tax Reform for Acceleration and Inclusion (TRAIN) Law.
Ayon kay Briones, maganda ang benepisyong makukuha ng mga guro sa TRAIN kung saan mas malaki ang maiuuwing sahod nito sa nasabing batas.
Bukod pa aniya dito ang makukuhang dagdag sahod ng mga guro sa Salary Standarization Law o (SSSL) of 2015.
Iginiit pa ng kalihim na noon pa man ay suportado na niya ang naturang batas dahil sa hatid na magandang benepisyo para sa mga guro.
Una nang sinabi ni Presidential Communications Operations Office (PCOO) Secretary Martin Andanar na ang mga sumusuweldo ng P25,000.00 kada buwan ay makapag-uuwi ng dagdag na take home na aabot sa P3,200.00.
Karagdagang P3,700.00 naman ang maiuuwi ng mga empleyadong may monthly salary na P30,000.00.
Habang ang mga sumasahod ng P35,000.00 ay may dagdag P4,900.00 na take home pay.
