Kumpiyansa si Housing Secretary Jose Rizalino Acuzar na matutupad ang target na makapagtayo ng isang milyong pabahay kada taon.
Ito’y matapos aprubahan ng Home Development Mutual Fund (HDMF) o Pag-IBIG fund board ang 250 billion peso budget para sa Pambansang Pabahay Para sa pilipino program ni Pangulong Ferdinand Marcos Jr.
Kaugnay nito, pumirma ng Memorandum of Agreement (MOA) ang Department of Human Settlement and Development (DHSD) kasama si Bacolod City Mayor Albee Benitez at Pag-IBIG fund para sa pagpapatayo ng sampung libong pabahay para sa mga Informal Settler Families (ISF) sa lungsod.
Ang naturang kasunduan ay patunaynang unti-unting pagkamit sa plano ng pamahalaan na solusyunan ang 6.5 million housing backlog ng bansa.
Samantala, bukod sa paglalaan ng pondo para sa development loan ay magbibigay din ng individual housing ang Pag-IBIG fund para sa mga benepisyaryong napili ng mga lokal na pamahalaan. – sa panulat ni Hannah Oledan
