Nakasalalay sa mga datos ang magiging pasya ng pamahalaan kung ibababa na sa modified general community quarantine (MGCQ) ang Metro Manila.
Ayon kay Presidential Spokesman Harry Roque, masusing tinitignan ngayon ang mga datos upang matiyak na hindi magkakaroon ng second wave sakaling mas paluwagin pa ang quarantine restrictions sa Metro Manila.
Iginiit ni Roque na hindi na kakayanin pa ng bansa ang magkaroon ng second wave ng COVID-19 .
Inaasahang bukas, Huwebes ay iaanunsyo na ng Pangulong Rodrigo Duterte kung ano ang magiging estado ng Metro Manila at iba pang bahagi ng bansa pagkatapos ng June 15.
