Ibinasura ng COMELEC ang panawagan na palawigin o i-extend ang voter’s registration para sa Eleksyon 2022.
Ayon kay COMELEC Spokesperson James Jimenez na ito’y bilang konsiderasyon sa paghahandang gagawin ng ahensya para sa paparating na eleksyon.
Bukod pa rito, isinaalang-alang din ang umiiral na restriksyon alinsunod sa iba’t-ibang quarantine status sa bansa.
Sa kabila nito ay pinalawig naman ng COMELEC ang oras ng voter’s registration.
Bukas na rin ani Jimenez ang pagpaparehistro tuwing sabado at holidays hanggang sa katapusan ng Setyembre.
