Inirekomenda ng Department of Education (DEPED) ang pagpapalawig ng face-to-face classes sa mga lugar na nasa alert level 1 at 2.
Sa Talk to the People ni Pangulong Rodrigo Duterte kagabi, sinabi ni Education Secretary Leonor Briones na kung maaprubahan ang naturang rekomendasyon ay posibleng maipatupad ito sa unang linggo ng Pebrero.
Aniya, hihintayin pa ng kagawaran ang COVID-19 risk assessment ng Department of Health.
Nilinaw din ng kalihim na mananatiling requirement, ang pag-sang ayon o consent ng mga lokal na pamahalaan at mga magulang sa pagsasagawa ng in-person classes.
Sinabi pa ni briones na naging matagumpay ang pilot run ng face to face classes noong November 15 hanggang December 22, 2021.
