Tuloy pa rin ang pagpapatupad ng 21 days interval sa pagitan ng una at ikalawang dose ng reformulated Pfizer vaccines para sa mga kabataang edad 5 hanggang 11.
Ito ay kahit lumabas ang datos mula sa World Health Organization (WHO) na kailangang 4 hanggang 8 linggong ibigay ang second dose para sa nasabing age group.
Ayon kay Dr. Nina Gloriani, Chairman ng Vaccine Expert Panel, bagama’t ikinokonsidera nila ang mungkahi, kailangan pa nila ng pag-aaral na susuporta dito para matiyak na ligtas ang mga bata sa bakuna.
Ang interval ng dalawang doses ng bakuna ay dapat nakadepende sa effectiveness ng mga gamot at mabawasan ang risk ng myocarditis (ma-yo-kar-day-tis) o pericarditis (pe-ri-kar-day-tis). —sa panulat ni Abby Malanday