Dapat tutukan ng Kongreso ang pagpapatatag sa implementasyon ng umiiral na batas kaugnay sa juvenile delinquency sa halip na ibaba ang edad ng criminal liability.
Ito ang inihayag ng Council for the Welfare of Children matapos aprubahan sa house committee level ang panukalang batas na layuning ibaba sa siyam mula sa 15 ang edad ng mga criminal liability ng mga kabataan.
Ayon sa CWC na nasa ilalim ng Department of Social Welfare and Development, panandaliang solusyon lamang ang nasabing panukala dahil isisisi nito sa mga bata ang krimen sa halip na tugunan ang puno’t dulo.
Magugunitang lumusot sa botong 9-1 sa House Committee on Justice ang bill na umani ng suporta mula kay house speaker at dating pangulong Gloria Arroyo batay na rin sa hiling ni Pangulong Rodrigo Duterte.
