Welcome sa Armed Forces of the Philippines o AFP ang pagkakatalaga kay Lt. General Noel Clement bilang bagong chief of staff.
Ayon kay AFP Spokesperson Marine Brig. General Edgard Arevalo, malawak ang karanasan ni Clement bilang commander at lider na makatutulong para matugunan ang mga kinahaharap na problema ng sandatahang lakas tulad ng mga rebeldeng komunista at terorismo.
Aniya, may kahanga-hangang track record si Clement sa mga mission accomplishments gayundin sa mga trabahong administratibo at management sa mga hinawakan nitong command at staff positions sa Luzon, Visayas at Mindanao.
Si Clement na miyembro ng Philippine Military Academy Sandiwa Class of 1985 ay nagsilbi bilang chief ng Philippine Army 10th Infantry Agila Division bago pinamunuan ang central command.
Nagsilbi rin itong commander ng 501st at 602nd infantry brigades at deputy chief of staff for operations ng AFP.
