Patuloy na umaapela ng pagkakaisa ang Department of Tourism (DOT) kaugnay sa pagdaraos ng Miss Universe pageant sa bansa sa January 30.
Sinabi sa DWIZ ni Tourism Assistant Secretary Ricky Alegre na dapat na lamang isipin ang mga benepisyong makukuha ng bansa sa pag-host ng nasabing beauty pageant
“We respect yung opinion nila pero sana tandaan nila na hindi naman ito biglaang dumating, hindi naman ito biglaang nangyari, ito’y sunud-sunod na pinag-usapan since July, nagkaroon pa nga ng konting problema, akala nga natin hindi na matutuloy, pero nalagpasan na po natin yun, yung mga issues yung concerns, may sumulat pa doon, nadaanan na natin yun, sana at this point na nandito na sila, tignan natin ang benefit para sa Pilipinas.”
Kasabay nito sinabi rin ni Alegre na posibleng masundan pa ang pag-host ng Pilipinas ng Miss Universe pageant.
“This is the third, at sinabi nga ni Secretary Wanda Teo na malamang ay magkaroon pa in the future.”
Aniya, nag-ikot na sa ilang probinsya ang mga kandidata nitong weekend partikular sa Vigan, Ilocos Sur at sa Boracay.
Pagdating naman sa seguridad, humanga umano ang presidente ng Miss Universe Organization at sinabing malaki ang kaibahan ng preparasyon ng Pilipinas sa mga inilatag na seguridad ng ibang mga bansa.
Kasabay ng panawagan sa publiko, binigyang diin ni Alegre na wala pa ring tatalo sa collective public vigilance para sa kaligtasan ng mga kandidata.
By Judith Larino | Aiza Rendon | Credit to: Karambola (Interview)