Suportado at ikinatuwa ni Senate Majority Floor Leader Tito Sotto ang pasya ng Pangulong Rodrigo Duterte na ang PDEA o Philippine Drug Enforcement Agency na ang manguna sa gyera kontra ilegal na droga.
Ayon kay Sotto, napapanahon na para maibigay sa buong pwersa ng PDEA ang buong suporta.
Giit ni Sotto, kaya niya inakda ang paglikha sa PDEA para dito icoordinate ang anumang operasyon laban sa ilegal na droga ng alinmang enforcement agency.
Ayon sa Senador, dumaan sa matitinding training ang PDEA agents sa PDEA Academy na itinayo dahil din sa kanyang isinulong na batas.
By: Avee Devierte / Cely Bueno
