Dapat nang patigilin at papanagutin si PAO o Public Attorney’s Office Chief Atty. Percida Rueda – Acosta dahil sa nilikha nitong panic sa publiko kaugnay ng Dengvaxia fiasco.
Ito’y ayon kay Senadora Leila de Lima ay dahil sa isa aniyang uri ng krimen ang ginagawa ni Acosta dahil sa nakadaragdaga lamang ito sa pangamba ng mga magulang sa halip na mabigyang solusyon ang usapin.
Giit pa ng Senadora, dapat ibigay na ng Malakaniyang ang ambisyon ni Acosta na maging isang mahistrado ng Korte Suprema para matigil na ang peligrosong gawain nito.
Kasunod nito, tahasang inakusahan ni De Lima ang Administrasyong Duterte na siyang nagtatago aniya sa likod ng PAO para idiin ang mga opisyal ng Aquino Administration na siyang nanguna sa pagtuturok ng nasabing bakuna sa mga kabataan.
Ulat ni DWIZ Patrol Reporter Cely Ortega-Bueno
Posted by: Robert Eugenio
