Pinaiimbestigahan na ng justice department ang paggamit ng mga tauhan ng Presidential Security Group (PSG) ng hindi rehistradong bakuna kontra COVID-19.
Ayon kay Justice Sec. Menardo Guevarra, maaring may mga batas na nalabag sa pag-administer o paturok ng bakuna.
Kung kaya’t, inatasan ni Guevarra ang National Bureau of Investigation (NBI) na imbestigahan ang paggamit ng bakunang sinopharm at kung paano ito naipasok sa bansa.
Pero paliwanag ni Guevarra, ang utos niya sa NBI ay “general” at hindi layong idiin ang PSG.
Magugunitang sinabi ng Food and Drug Administration (FDA) na wala pa itong inaaprubahang anumang bakuna kontra COVID-19 para magamit sa bansa.
