Isinisi ng Malakaniyang sa COVID-19 ang muling pagsasailalim ng Metro Manila at ilang karatig na lalawigan sa enhanced community quarantine (ECQ).
Ito’y matapos na batikusin ng mga kritiko ang umano’y palpak na pagtugon ng gobyerno sa COVID-19 pandemya kaya naulit ang ECQ.
Paliwanag ni Presidential Spokesperson Harry Roque, dahil sa pag-mutate ng virus ang dahilan kung bakit dumami muli ang kaso ng COVID-19 sa bansa.
Ang ilan pa aniya sa bagong variant ay mabilis makahawa kaya naging mabilis din ang pagtaas ng kaso.
Kahit aniya sino ay walang magagawa dito dahil ito umano ang naturalesa na ng virus.
