Hindi kuntento si Capiz Governor Antonio del Rosario sa resulta ng paghaharap ng mga gobernador at ng Pangulong Rodrigo Duterte.
Ayon kay Del Rosario, nadismaya sila dahil hindi pinangalanan ng Pangulo ang mga gobernador na una na nitong tinukoy na sangkot sa operasyon ng iligal na droga.
Sinabi ni Del Rosario na mas mabuting ipaalam sa kanila ng Pangulo kung sino ang naturang gobernador na nasa narco-list para sila na aniya ang magpaabot ng impormasyon sa mga ito.
Gayunman tiniyak ni Del Rosario na suportado pa rin niya ang mga programa ng Duterte administration.
By Judith Larino
