Labis na ikinababahala ni Supreme Court Associate Justice Samuel Martirez ang naunang pahayag ni Chief Justice On Leave Maria Lourdes Sereno.
Ito’y makaraang sabihin ni Sereno na pinuwersa siya ng Korte Suprema na dumalo sa oral arguments sa Quo Warranto Petition na inihain ng Office of the Solicitor General laban sa punong mahistrado.
Sa isinagawang interpellation ni Justice Martirez kay Atty. Alex Poblador, lead counsel ni Sereno, humingi ito ng kopya ng inihain nilang mosyon na nagsasabing pinilit siyang dumalo sa oral arguments.
Ninais din ni Martires na ipakopya ang naturang mosyon upang ipamahagi sa media para malaman ng publiko na hindi nila pinuwersa si Sereno taliwas sa pinalalabas ng kampo nito.
