Inatasan ni Pangulong Rodrigo Duterte si Transportation Secretary Arthur Tugade na bumili pa ng tatlong karagdagang air assets para sa Philippine Coast Guard o PCG.
Sa pagpapasinaya ng Puerto Princesa Port Expansion Project, PCG Kalayaan Station at Commissioning ng air craft ng PCG na Cessna Caravan, sinabi ng Pangulo ng kulang ang isang air asset nito.
Ayon sa Pangulo, kailangan pa magkaroon ng tatlo pang air craft para magamit din sa pagpapatrolya sa Visayas at Mindanao.
Magagamit din aniya ito ng PCG kapag nagsasagawa ng rescue operations at evacuation efforts sa mga pagkakataong kinakailangan.—sa panulat ni Hya Ludivico mula sa ulat ni Jenny Valencia-Burgos
