Inilarga na ng Department of Health (DOH) ang pagbibilang sa mga kaso ng napuputukan mahigit isang linggo bago ang pagsalubong sa Bagong Taon.
Nagsimula alas-12:00 ng hatinggabi kahapon ang official countdown ng DOH na magtatagal naman hanggang Enero 5 ng susunod na taon.
Kasunod nito, nagpaalala si Health Secretary Janette Garin sa publiko na magdoble ingat sa pamamagita ng pag-iwas sa mga iligal at ipinagbabawal na paputok.
Nito lamang araw ng linggo, 10 na ang naitala nilang kaso ng mga naputukan kung saan, walo sa mga ito ay mga kabataang may edad 5 hanggang 12 taong gulang.
By Jaymark Dagala
