Muling ipinaalala ng Department of Labor and Employment (DOLE) na hindi maaaring maantala ang pagbibigay ng mga kumpanya ng 13th month pay ng kanilang mga empleyado.
Ayon kay Labor Secretary Silvestre Bello III, alinsunod sa batas dapat ay maibigay ang 13th month pay ng mga empleyado sa bago o sa araw mismo ng ika-24 ng Disyembre.
Ani Bello, maaari namang utay-utayin o gawing installment ang pagbabayad ng mga kumpanya ng 13th month pay ng kanilang mga empleyado upang hindi sila gaanong mabigatan.
Ipinaalala rin ni Bello ang programa ng pamahalaan para tulungan ang maliliit na negosyo na maibigay ang 13th month pay ng kanilang mga empleyado.
Maliwanag na kailangang bayaran ang 13th month pay ng kanilang mga empleyado, on or before December 24,” ani Bello. —sa panayam ng Santos at Lima sa 882
