Sinimulan na rin ang pagbebenta ng mga beep cards sa ilang piling istasyon ng Metro Rail Transit o MRT line 3.
Ito’y bilang paghahanda sa full operation ng contactless cards sa Sabado, Oktubre 3 sa lahat ng mga mass transit sa Metro Manila.
Ilan sa mga istasyong maaaring bilhan ng mga beep cards ay ang North Avenue, Cubao, Shaw Blvd, Ayala Ave. at Taft stations ng MRT.
Mabibili ito sa halagang P100 at may lamang P80 dahil sa ang P20 ay halaga ng bawat reloadable card.
Maaaring gamitin ang mga beep cards sa loob ng apat na taon mula nang bilhin ang mga ito.
Tinatayang nasa 50,000 mga bagong beep cards ang ibebenta ngayong linggong ito.
By Jaymark Dagala
