Sisimulan na ng DOH o Department of Health at iba pang stakeholders ang pagbalangkas sa Implementing Rules and Regulations ng bagong batas na Republic Act 11036 o Mental Health Law.
Ayon kay Dr. Ed Tolentino, dating pangulo ng Philippine Psychiatric Association, magiging crucial ang pagbuo ng IRR para magbigay ng mental health services sa mga hospital, paaralan, trabaho alinsunod sa itinatakda ng batas.
Mahalaga ring isailalim sa training ang mga barangay health workers para magbigay ng suporta sa mga taong dumadaan sa stress na siyang nagiging dahilan ng depresyon at iba pa.
Isinasailalim na rin sa deliberasyon ang bagong rates para sa treatment, medication, prevention ng mga mental illness sa ilalim ng Philhealth.
