Ibinabala ng isang US infectious disease expert na ang mga christmas travel ang magpapabilis sa pagkalat ng Omicron variant, kahit pa sa mga fully vaccinated na mga indibidwal.
Paliwanag ni Dr. Anthony Fauci, may kakaibang kakayahan ang naturang variant kung saan kaya nitong kumalat ng mabilis at hindi na aniya siya magugulat kung tatalunin nito ang Delta variant.
Dahil dito, posible rin aniyang magkaroon ng seryosong epekto sa health services ng Estados Unidos ang mabilis na pagkalat ng naturang variant kung saan maaaring mapuno muli ang mga ospital.
Kaugnay nito, pinayuhan ng eksperto ang publiko magpabakuna na o magpaturok ng booster shot at mahigpit na sundin ang health protocols.
