Naniniwala si Senador Aquilino ‘Koko’ Pimentel III na paglabag sa sariling rules ng Senado ang pag-urong sa petsa ng impeachment trial ni Vice President Sara Duterte.
Ayon kay Senador Pimentel, alinsunod sa Senate Impeachment Rules, kailangang magbigay-daan ng legislative agenda para sa impeachment trial.
Wala rin aniya siyang nakikitang dahilan para ipagpaliban ang impeachment dahil magsisimula pa lamang sa susunod na Congress o sa Hulyo, ang ‘full-blown’ trial at hindi sa mga nalalabing araw ng 19th Congress.
Dagdag ng mambabatas, tatanungin pa niya si Senate Francis ‘Chiz’ Escudero kaugnay sa iba pang detalye ng paglipat ng petsa ng impeachment ni VP Sara sa pagsisimula ng plenaryo ngayong araw.
—sa panulat ni John Riz Calata
