Ikinababahala ng isang dating miyembro ng Malacañang Press Corps ang pag-trato ni Pangulong Rodrigo Duterte sa Rappler Reporter na si Pia Ranada-Robles.
Ayon sa dating reporter na si Ricardo Malay, isang “open manifestation” ng pagsikil sa malayang pamamahayag ang pagbabawal kay Robles na pumasok sa paligid ng Palasyo.
Matindi ang ginagawa ng Duterte Administration kumpara sa rehimeng Marcos noong panahon ng batas militar.
Magugunita noong Martes ay pinagbawalan ng Presidential Security Group ang Rappler Reporter na pumasok sa New Executive Building kung saan matatagpuan ang Malacañang Press Corps maging sa lahat ng Presidential Coverage.
Posted by: Robert Eugenio
