Ipinagpaliban ng Commission on Elections ang pag-iimprenta ng mga bagong balota.
Ito’y matapos na maglabas ng temporary restraining order ang Korte Suprema laban sa disqualification nina Francis Leo Marcos at dating Albay Governor Noel Rosal para sa 2025 midterm elections.
Una nang sinabi ni COMELEC Chairman George Erwin Garcia na posibleng maghintay pa ng karagdagang dalawa o tatlong araw bago maipagpatuloy ang ballot printing dahil sa database adjusments, at serialization ng official ballots.
Nabatid na ipinagbawal ng COMELEC na tumakbo si marcos sa pagka-senador matapos itong ituring na nuisance candidate;
Habang pinagbawalan naman ng COMELEC si Rosal na kumandidato dahil sa petisyon ni Rafael Dioquino na ipinunto ang “dismissal from service” na ipinataw ng Ombudsman kay Rosal dahil sa sinasabing illegal reassignment of personnel. – Sa panulat ni John Riz Calata
