Mariing kinondena ng Philippine National Police (PNP) ang pang-aatake ng mga miyembro ng New People’s Army (NPA) sa mga pulis at militar na nagsasagawa ng community pantry sa Quezon Province kung saan isang miyembro ng Cafgu ang nasawi.
Ayon kay PNP Spokesperson Brig. Gen. Ronaldo Olay, sunod-sunod muli ang pag-atake ng PNP gaya na lamang nang nangyari noong nakalipas na mga linggo sa Occidental Mindoro kung saan nasawi naman ang tatlong pulis at ang pananambang naman sa Masbate.
Gayunman tiniyak ni Olay na hindi nito mahahadlangan ang paghahatid ng serbisyo publiko sa mga nangangailangang residente na nasa malalayong lugar.
Kasabay nito, pinabatid ni olay na marami pa rin ang mga sumusukong rebelde at tuloy-tuloy naman ang tulong at suporta ng gobyerno sa mga ito.
