Binigyang diin ng Department of Energy na magiging government to government na ang pag-aangkat ng Pilipinas ng langis mula sa Russia.
Ayon kay Energy undersecretary Wimpy Fuentebella, hindi negosyo ang pinag-uusapan dito kundi ang pagtiyak na may sapat na energy supply ang pamahalaan sa lalong madaling panahon.
May kautusan na rin anya si Energy Secretary Alfonso Cusi partikular sa Philippine national oil company na tiyaking handa na ang storage facility para sa stockpiling sa gitna ng pagpupursige ng gobyerno na iwasang maubusan ng supply.
Bukod sa Russia, magugunitang ilang bansang hindi kasapi ng organization of the petroleum exporting countries ang ikinukunsidera ring pagkunan ng supply ng langis ng Pilipinas.
