Inapela ni Commission on Election (COMELEC) Chairman George Garcia na pagkalooban ng P9.3-B pondo ang COMELEC para sa pagtatayo ng sariling headquarters ng komisyon.
Sa panukala ng COMELEC sa House Appropriations Committee, nais ng komisyon na itayo ang naturang gusali sa Central Business Park 1 sa Mall of Asia Complex sa Pasay na may sukat na dalawang ektarya.
Ayon kay Garcia, P159-M kasi ang ginagastos ng COMELEC kada taon sa pangungupahan ng opisina nito sa Palacio del Gobernador sa Intramuros, Manila.
Aniya, panahon na para magkaroon ng sariling headquarters ang komisyon, gayong ang Commission on Audit (COA) at Commission on Human Rights (CHR) ay may sariling mga gusali pagmamay-ari nito mismo.
