Tatlong Chinese ang nasakote ng Philippine Drug Enforcement Agency (PDEA) at Quezon City Police District (QCPD) sa inilunsad na buy-bust operation sa Novaliches, kahapon.
Kinilala ni PDEA Director-General Wilkins Villanueva ang mga dayuhang sina Wille Lu Tan alyas Chen Bien, 42 anyos; Antong Wong alyas Wang Zhong Chun/Wang Min, 28 anyos at Chen Zhin, 79 anyos.
Nasabat mula sa tatlong suspek ang 127kg ng shabu na nagkakahalaga ng P863-M sa isinagawang operasyon sa Magsaysay Street, Barangay San Bartolome.
Isinilid anya ang mga droga sa lalagyan ng mga tsaa na may tatak na chinese character.
Pawang miyembro ang tatlo ng isang malaking transnational syndicate na sangkot sa pagbebenta ng iligal na droga. —sa panulat ni Drew Nacino
