Iminumungkahi ni Quezon City representative Winston Castelo na bigyan ng P80,000 monetary incentive ang mga senior citizen sa kanilang 80th birthday.
Layunin ng House Bill 6137 na inihain ni Castelo, na kilalanin ang naging kontribusyon ng mga senior citizen sa pagtataguyod ng ating bansa.
Ayon kay Castelo, marapat lamang na suklian ng gobyerno ang mga senior citizen na inialay ang kanilang serbisyo hindi lamang para sa kanilang mahal sa buhay kundi pati na rin sa kanilang komunidad.
Kaya naman, hinihimok ngayon ni Castelo ang kanyang mga kasamahan sa kongreso na ikonsidera ang kanyang panukala para sa mga senior citizen ng Pilipinas.
By: Jonathan Andal
