Naabo sa sunog ang aabot sa P7 milyong halaga ng ari-arian makaraang magliyab ang isang bahay sa bayan ng San Miguel, Bulacan.
Ayon sa may-ari ng bahay, nakarinig sila ng kalabog sa kanilang bahay kaya agad nila itong pinuntahan kung saan, isang lalaki ang kanilang nakitang may bitbit na isang kahoy na may apoy.
Dito na nagliyab ang naturang bahay pero agad na naaresto ang suspek na kinilalang si Enrique Manalastas na residente ng brgy. Salangan ng naturang bayan.
Patuloy pang inaalam ng mga otoridad ang motibo ng suspek sa pagsunog ng bahay na nahaharap ngayon sa kasong arson —sa panulat ni Angelica Doctolero
