Nawawalan ng apat (4) na oras kada araw ang mga manggagawa dahil sa problema sa daloy ng trapiko.
Ito ay ayon sa pagaaral ng transport and commuters organization na “Komyut”.
Ayon sa grupo, nawawalan na ng oras sa personal na buhay pati na rin sa kanilang pamilya ang mga manggagawa dahil sa sobrang traffic.
Sinabi ni Robert Sy ng Komyut na hindi lalagpas sa isang oras lang ang katanggap-tanggap na tagal ng byahe.
Posible aniya itong mangyari kung bibigyang prayoridad ang mga pampublikong sasakyan sa mga gagawing solusyon para sa problema sa trapiko.
