Iniutos ni Pangulong Rodrigo Duterte na itaas sa P500 ang buwanang ayuda para sa pinakamahihirap na pamilya o mga benepisyaryo ng 4Ps.
Kasunod ito ng batikos na natatanggap ng gobyerno kaugnay sa paglalaan ng P200 kada buwan na cash aid para sa poorest of the poor sa gitna narin ng pagtaas ng presyo ng gasolina at iba pang pangunahing bilihin.
Ayon kay Duterte, pinaghahanap na niya ng pondo si Finance Secretary Carlos Dominguez para tumaas ang nasabing cash aid dahil masyadong mababa at hindi umano sapat ang P200 ayuda sa tatlo hanggang apat na miyembro kada pamilya. —sa panulat ni Angelica Doctolero
