Pinaghahanap na ng mga otoridad ang dalawang lalaking salarin sa panghoholdap sa isang babae sa Baguio City kahapon.
Sa impormasyong nakuha ng mga otoridad, hinarang ng mga suspek ang biktima na sinuntok at tinutukan pa ng patalim saka kinuha ang bag nito.
Mabilis namang tumakas ang dalawang salarin at nagpunta sa hindi malamang direksiyon.
Patuloy pang inaalam ng mga opisyal ng barangay ang pagkakakilanlan sa dalawang salarin. —sa panulat ni Angelica Doctolero
