Nakubra ng Food and Drug Administration (FDA) ang P300-M na halaga ng pekeng produkto sa isinagawang pagsalakay sa 9 na establisyimento sa Bulacan.
Katuwang ng FDA ang National Bureau of Investigation (NBI)NCR at Bulacan District Office Sa naturang operasyon.
Ayon sa NBI, inireklamo ito ng isang Multi-National Company hinggil sa iligal na paggawa at pagkopya ng kanilang produkto.
Kabilang sa mga naturang produkto ang bath soap, detergent soap, dishwashing soap, shampoo at iba pa na ibinibenta per kilo.
Hindi rin aniya batid ng mga bumibili na peke ang mga nasabing produkto.
Mahaharap naman sa kasong paglabag sa ra 9711 o ang FDA act of 2009 at RA 8293 Intellectual Property Code of the Philippines ang mga Manufacturer.
Nagbabala naman ang FDA sa publiko hinggil sa mga produkto sa direktiba ng bagong direktor na si General Samuel Zacate para pagigtingin ang information drive hinggil sa mga pekeng produkto. – sa ulat mula kay Aya Yupangco (Patrol 5)
-sa panunulat ni Hannah Beatrisse Oledan