Dalawa katao kabilang ang isang Tsino ang natimbog sa isinagawang buy-bust operation sa barangay Ugong Norte, Quezon City, kagabi.
Kinilala ang mga suspek na sina Jose Cruz Tan, isang Chinese at Rodel Torica na nahulihan ng 20 kilong high grade shabu matapos salakayin ng NCRPO – Regional Anti-Illegal Drugs Special Operation Task Group.
Ayon kay Supt. Robert Razon, hepe ng NCRPO-RAID, ilang linggo nilang isinailalim sa surveillance ang mga suspek bago tuluyang masakote sa Green Meadows, mag-aalas-12:00 ng hatinggabi.
Tinatayang 100 milyong piso anya ang halaga ng mga nasabat na iligal na droga.
Kumbinsido naman si Razon na miyembro ng malaking sindikato ng illegal drugs ang dalawang nasakoteng suspek.
By Drew Nacino | Jopel Pelenio (Patrol 17)
