Malaking tulong umano ang pabuyang P10M na inilaan ng Malakanyang para sa sinumang makapagbibigay ng impormasyon sa kinaroroonan ni dating Police Col. Eduardo Acierto.
Ito ay ayon kay PNP Spokesperson Col. Bernard Banac matapos maharap sa kaso si Acierto dahil sa pagkakasangkot sa pagpasok ng magnetic lifters na may lamang bilyun-bilyong pisong halaga ng shabu.
Gayunman, sinabi ni Banac na may reward money man o wala, tuloy pa rin ang kanilang manhunt operation para maisilbi ang arrest warrant kay Acierto.
Kaugnay nito, naglabas na rin ng hold departure order laban kay Acierto ang Manila Regional Trial Court upang hindi ito makalabas ng bansa.
