Dapat patawan ng habang buhay na pagkakakulong ang sinumang mapapatanuyang nang-e-espiya sa Pilipinas.
Ayon ito kay dating Senador Panfilo Lacson, at sinabing outdated na ang Commonwealth Act 616 o ang Espionage Law of 1941 kaya’t dapat na itong amyendahan ng Kongreso.
Magaan aniyang parusa ang anim na taong pagkakakulong batay sa revised penal code gayong tatlumpung taon ang nakasaad sa Commonwealth Act 616.
Sinabi ng Senador na life imprisonment lamang ang tanging parusa na dapat ipataw sakaling mapatuyang guilty sa espionage ang naarestong pinaghihinalaang chinese spy na si Yuanqing Deng.
Posible aniyang isama sa technicalities sa paglilitis ang modern equipment na ginamit ni Deng, na hindi saklaw ng Commonwealth Act.
Kasunod ng pagkakahuli sa Chinese National, pinaigting na ng Armed Forces of the Philippines ang seguridad hindi lamang sa mga kampo kundi maging sa cyber domain. – Sa panulat ni Laica Cuevas
